قصه بيجر حلوه بس منقوله

البيجر(قصه)حلوه مره ,

فهيدان والبيجر


صباح احلى مساء (( يعني صباح الخير للي عندهم صبح و مساء الورد للي عندهم ليل

ابمحط لكم هنا قصه خفيفه اتمنى تجوز لكم

واذا ما جازت لكم بكيفكم



طلع اخوي فهيدان بيجر جديد وطبعا حنا اول مره نشوف البيجر .. فهيدان استغل نقطة الضعف هذي لصالحه وبدا مشوار الابتزاز الله لا يعوده من مشوار

يجي من الدوام ويمر على الصاله وعيوننا معلقه بمخباته .. ويقول شوفوا ترى العرض يبدا الساعه ست و تذاكر الدخول بخمسطعش والحين انا رايح انام لاحد يزعجني

واجي اركض وراه فهيدان فهيدان

خير وش تبين

خذ هذي الخمسطعش من الحين اعطيك اياها عطني التذكره

انتظري لين الساعه ست

لا لا ما ابي اوقف مع الزحمه قص تذاكر وحر و تخبر تكثر السرقات (( صدقت ))

المهم و يعطيني ورقه صغيره مكتوب عليها تذكرة دخول الى غرفة فهيدان المزيون (( شايف نفسه هالفهيدان عقب البيجر ))

وانواع المزاحم عند غرفته الساعه ست وكلن جاي للغرفه يبي يشوف هالبيجر و يسمع صوته واللي يدخل معلق برقبته كاميرا حتى ياخذ له كم لقطه واللي جاي ومعه دفتر التعبير يبي يكتب موضوع تعبير عن البيجر هذا غير اللي جاي وماسك كورته يقال له رايح رحله

و بالغرفه يبدى الاستعراض الفهيداني المنقطع النظير

و يشرح وشلون اذا دخلت 111 يعني دق علي الحين و اذا دخلت 999 يعني مستعجل و اذا دخلت 333 يعني الله يقطع هالخشه 0 و غيرها من الرموز

وانت طالع يعطيك فهد كتالوج فيه صورة البيجر و انواع الرموز مع توقيعه الكريم وغير كذا يسمح لك ان تحطه في مخباتك او تمسكه شوي و يخليه يدق بيدك بس هذا تذكرته بخمسه ريال

بعد سنتين وهو معلقنا بذا البيجر طلع طلعه ثانيه وهي الجوال و يا الله على هالجوال وش سوا فينا

اشترى فهيدان جوال نوكيا و جا يقول لنا لا يفوتكم اليوم جوالي الجديد بس التذاكر بثلاثين وماجاني ونوم بذيك الظهريه جالسه انتظر الساعه ست



ويا ظهر ما اطولك



و يوم دقت الساعه ست اجي كافخه لغرفة فهيدان قبل الزحمه و شفت بطريقي ابوي قلت لا يفوتك يبه فهيدان شرى له جوال تلاحق نفسك قبل ينتهي العرض
جا ابوي بس تاخر شوي مهوب سريع مثلي وبدخلته وقفه فهيدان وين وين يابو الشباب

يقولون انك جايب جوال معك

طيب عوايل الله يصلحك






الا هذا امي جايه و معها دلالها وسجادتها قال لها ابوي تعالي شوي ابيك في كلمه

ماني فاضيه اجل كلامك

الحين تكفين

ها وش عندك

دخليني ولك اللي يدفع لك التذكره

قالت تم بس بشرط

على عيني

تشتري لي بارد من بسطت فهيدان (( شفتوا وش كثر فهيدان استغلالي حط في غرفته ركن يبيع فيه كل شي مثل السيارات اللي بالعزيزيه )) المهم ان ابوي وافق و دخلته امي

و كل يوم وفهيدان يسوي عرض جديد يوم العرض الازرق ويوم الاحمر و يوم الذهبي و انواع الجرابات و الكفرات وانا احس اني تعلقت بهالجوال حبيته لدرجه مايتصورها عقل حيث كنت بالمدرسه وعندنا حصه كيمياء و البنات ينزلون الدرج وانا اهوجس بالجوال و افكر فيه ولاني يم الناس ولا حول احد و هووووووب اطيح على البنت اللي قدامي وهي تطيح على اللي قدامها و سلسله من السقطات والخبطات اللي مالها سنع لين وصلنا لوحده راسيه جثه ووقفتنا قبل نوصل الارض بعدها لفوا علي وانا ابي ارقعها (( ما تترقع )) التفت وراي مافيه احد انا اخر وحده و واقول يالله صباح خير على هالمزح

وصار الجوال حديث العايله واذا ابوي يبي يشجع اخواني على الدراسه يقول لهم ذاكروا واذا نجحتوا اوديكم تصورون مع فهيدان و جواله (( دزني على غفله )) وتجي امي تقول وانا مالي شي يقول لها انتي الخير والبركه وامي تمشي على استحياء ومعها دلالها (( ماتشوف امي الا مع دلالها خخخخخخ ))

وسعيدان يقول لعليان شفت فهيدان امس

لا ماشفته

فاتك مع السكسوكه الجديده انا اذا كبرت ابي اسوي زيه

وانا اشوف صديقاتي اللي تقول رحت عند الجمعه سنتر واللي ترد عليها امس مريت الفؤاد سنتر وانا اجي داخله عرض اقول امس رحت الفهيدان سنتر وابوي خلاني اتمشى فيه و بدون محرم

وفهيدان ذا ذكي مهوب يكب عفشه كله بيوم واحد يعني يوم يوريك النغمات و يقول تعالوا لنا بكره نوريكم تقنيه المسد كول كول وبدا يسدد فواتيره من ارباح الجوال و ماتشوف الا سعابيلهم تقطر وفهيدان يقول يبه هذا الجوال تقدر تكلم منه وانت تلاحق عليان وانتي يمه تقدرين تكلمين منه وانتي تحكين راسك (( اول مره اشوف احد يحك راسه بيدين ))

بعد مده انتدب فهيدان برا (( راح و اخذ حبيبي معاه ))
< الحمدلله ان عندها مشاعر و احاسيس مثل الخلق و تحررنا من ابتزازه و استغلاله وطلعنا على الدنيا من جديد واثاريكم عايشين بنعيم مجمعات و منتزهات و شوارع يالله من فضلك (( خبرها بالطلعه من ايام البيجر ))


ملطوش .